INSTITUTI I STUDIMEVE STRATEGJIKE DHE TRAJNIMEVE

Ju njoftojmë se në datën 30 Tetor 2015, në Institutin e Studimeve Strategjike dhe Trajnimeve “ISSAT” do të fillojë Trajnimi i Avancuar Profesional: “KUALIFIKIMI I PUNONJËSVE SOCIALË PËR FËMIJËT AUTIKË”.

Qëllimi i Trajnimit është: Ofrimi i njohurive të thelluara rreth Autizmit dhe forcimi i rolit të punonjësit social si pikë kyçe në procesin e vlerësimit dhe trajtimit të rastit.

Ndër Objektivat e Trajnimit janë: njohja e çrregullimit si nosologji; identifikimi i Simptomave; njohja e parimeve të punës në grup, në ekipin multidisiplinar; njohja e parimeve të ndërhyrjes; njohja e strukturave që ofrojnë shërbime për fëmijët me autizëm dhe legjislacioni në fuqi.

Trajnimi synon pjesëmarrje interaktive nëpërmjet paraqitjes së rasteve teorike, si dhe sjelljen e shembujve konkrete për diskutimin klinik.

Programi i Trajnimit do të përmbajë dhe trajtojë:

• Autizmi si çrregullim i përhapur i zhvillimit, përkufizime, të dhënat epidemiologjike, klasifikimi.
• Etiologjitë e Autizmit dhe spektri klinik i tij.
• Gjuha dhe paragjuha në autizëm.
• Vlerësimi klinik dhe diagnostifikimi.
• Ekzaminimet kliniko-laboratorike, neoroimazherike dhe ekzaminimet plotësuese në autizëm.
• Shenjat e interesimit në autizëm dhe evolucioni klinik i tyre gjatë fëmijerisë
• Sëmundjet bashkëshoqëruese në Autizëm.
• Llojet e ndërhyrjeve. Llojet e e terapive.”Caregiver-s”dhe shërbimet.
• Roli i punonjësit social në trajtimin e Autizmit.
• Roli i prindit në diagnostifikimin e hershëm dhe trajtimin.
• Të dhënat mbi legjislaclonin shqiptar për fëmijet me autizëm.
• Kërkimet në Autizëm.

Pjesëmarrësit:

• Psikologë klinikë
• Punonjës socialë
• Mjekë familjeje
• Logopedë
• Punonjës të Edukimit Parashkollor.
• Punonjës arsimorë të Ciklit të ulët
• Studente të nivelit MA Profesional dhe Shkencor
• Prindër

Kohëzgjatja: 2 javë

Frekuentimi: e hënë, e mërkurë, e premte (17.30 – 20.00)

Specializantët do të pajisen me ÇERTIFIKATËN e Institutit “ ISSAT”, e njohur nga Ministria e Mirëqënies Sociale dhe Rinisë, licensuar nëpërmjet Qendrës Kombëtare të Licensimit.

Dokumentat e nevojshme për regjistrim: CV, Diploma Universitare dhe fotokopja e saj ; pasaporta dhe 2 foto (formati i fotos së pasaportës); Formulari i Aplikimit i plotësuar.

Për informacion të mëtejshëm kontaktoni zyrat e ISSAT në:
Rruga e Kavajës, Tiranë; Tel: +355 4 22 60 035 / 068 28 06 244
www.issatinstitute.com | [email protected]