[fusion_faq filters=”no” featured_image=”” cats_slug=”” exclude_cats=”” orderby=”date” order=”DESC” type=”” boxed_mode=”” border_size=”” border_color=”” background_color=”” hover_color=”” divider_line=”” icon_size=”” icon_color=”” icon_boxed_mode=”” icon_alignment=”” hide_on_mobile=”small-visibility,medium-visibility,large-visibility” class=”” id=”” / fusion_global=”17192″]

Si mund të jete abuzimi në sektorin e Email Marketingut ?

1. Fshehja e email-eve të dështuara

Eshtë një standard i internetit që pëd çdo email që nuk mbërrin në destinacion, tek dërguesi të mbërrijë një email-raport për këtë çështje. Arësyet e mos mbërritjes janë disa, por ne po përmendim disa më kryesoret: adresa ku duhet të mbërrijë email-i është adresë që nuk egziston; serveri pritës refuzon të pranojë email-e për shkak të reputacionit të keq të serverit dërgues; serveri pritës refuzon ta pranojë email-in sepse e konsideron atë si spam.

Për të fshehur kë raste, shërbimi qe ofron “Email Marketing” e konfiguron email-in që shpërndahet në atë mënyre që çdo email-raport për adresa emal-i të pavlefshme (ose email-e të refuzuara) e që gjenerohet nga serveri pritës (Yahoo, Hotmail, Gmail, etj,), ta ketë te pamundur qe te mbërrije tek porositësi (klienti). Kështu që klienti asnjëherë nuk merr dijeni për sasinë e adresave të pavlefshme apo të atyre email-eve që nuk janë pranuar nga serverat. Ky abuzim ndodh kur si adresë dërguese (Mail-From) apo adresë teknike (Return-Path, – e padukshme për syrin) përdoren adresa email-i të ndryshme nga ajo e klientit.

Lutemi shikojeni këtë rast në foton e mëposhtme:

Email Marketing (mashtrim)

2. Raportet e kamufluara

Ky abuzim lidhet me faktin e ofrimit te raporteve qe shprehen ne përqindje (%) dhe jo ne numra absolute. Paralelisht me këtë një pjesë e pamjes e raportit që disponohet nuk paraqitet qëllimisht. Në këto kushte Klienti nuk e ka mundësinë që të mësojë se në sa adresa është shpërndare email-i.

Për të ilustruar këtë lloj abuzimi me raportet ne kemi shpërndarë një email “Test” vetëm në 4 (katër) adresa email.

Lutemi shikoni me kujdes në foton e mëposhtme (prisni 5 sekonda). Bëhet fjalë për të njëjtin raport. Në rast se ju merrni raport si në pamjen e parë (jo në të gjithë gjerësinë), të jeni të sigurt se qëllimisht po ju fshehin numrin e email-eve të shpërndara. Por edhe po ju çorodisin. Sepse 1 (një) email i lexuar peshon 25 % (!!!)

Email Marketing (mashtrim)

Fatmirësisht, jo vetëm serverat, por edhe platformat shpërndarëse ofrojnë mundësinë e raportimit të detajuar në vlera absolute dhe në përqindje pë numrin e email-eve të shpërndarë, email-eve të dështuar, email-eve të lexuar, etj.

Lutemi shikoni më poshtë se si duhet të jetë një raport i plotë.

raport-i-sakte

3. Abuzim me premtimet

Në të vërtetë janë disa gjëra që nuk mund të maten asnjëherë. Njëra prej tyre është masa e mbërritjes së email-eve në Inbox. Ndokush mund t’ju premtojë 100% mbërritje në Inbox. Harrojeni ! 100% në Inbox është një mit që nuk mund ta rrëzojë as Gmail.

4. Abuzim me numrin e adresave

Ndoshta mund t’ju paraqesin një ofertë joshëse: shpërndarje ne disa qindra mijë adresa shqiptare. Para se ta pranoni ose të paguani, kontaktoni me ne dhe do ju mësojmë se si ta zbuloni mashtrimin.

5. Abuzim ordiner

Për arësye etike, u menduam pak para se ta përfshinim edhe këtë pikë. Por duam që të jemi transparent me ju deri në fund. Mashtimi më ordiner është kopjimi dhe imitimi i përmbajtjes së faqjes tonë (www.postajuaj.com). Në rast se jeni kuriozë, mund të krahasoni përmbajtjen e websiteve të tjera me atë të postajuaj.com ndër vite, e cila, fatmirësisht është arkivuar ne Internet Archive.

6. Mashtrimi i fundit (Qoftë i tillë!)

Në 5 pikat e para kemi përdorur termin “abuzim”. Por rasti i përshkruar me poshtë është me plot gojën një mashtrim i pastër dhe i dyfishtë.

Rrethanat janë të tilla:

a) Për shpërndarje përdoret një server vetjak e që nuk ka asnjë kosto.
b) Klientit i dërgohen raporte sikur newsletter-i është shpërndarë nga një server me pagesë dhe reputacion të lartë. Për më tepër, statistikat ofrohen vetëm në përqindje (si në pikën 2)

Ku qëndron e keqja?

Përmes një IP-je të vetme nuk mund të shpërndahen kurrsesi aq email-e sa pretendohet. Serverat pritës kanë kufizime për numrin e emaile-ve që mbërrijnë nga i njëjti burim. Në një pikë të caktuar ata jo vetëm ndalojnë pranimin e emaile-ve të mëtejshme, por i asgjësojnë ata edhe pa e njoftuar fare dërguesin se çfarë po ndodh. Ndoshta ju mund ta keni provuar edhe vetë të shpërndani në mënyrë voluminoze email-e nga serveri juaj dhe e keni provuar se çfarë ju ka ndodhur.

Ndryshe nga serverat vetjak, serverat me pagesë përdorin disa mijëra IP dhe e degëzojnë trafikun sipas nevojës në shumë të tilla.

Si realizohet mashtrimi?

Sikurse u shpjegua më lart, shpërndarja nga një server vetjak nuk ka asnjë perfomancë. Numri i email-eve të dështuara është shumë i lartë. I atyre të bllokuara, gjithashtu. Numri i leximeve dhe klikimeve është mjaft i ulët. Me fjalë të tjera, nuk ka asgjë të këndshme për ti treguar klientit që ka porositur Email Marketing.

Në këto kushte, për ti ofruar diçka të besueshme klientit, vjen në ndihmë një fushatë e mëparshme e realizuar tek një shërbim me pagesë, e cila ka statistikat e veta.  Newsletter-i kësaj fushate mund te ndryshohet (Edit), d.m.th., te ndryshohet Emri i Derguesit, Subjekti, Permbajta, Data, etj. Kur ndodh ky ndryshim, statistika e vjetër vihet në funksion të parametrave të rinj, ndërkohë që në atë server (profesional dhe me pagesë) nuk është shpërndarë asnjë email i ri. Statistika e vjetër por me emër të ri i paraqitet klientit si raport për punën e kryer. Për më tepër, edhe në këtë rast, statistikat ndonëse janë fiktive, ofrohen vetëm në përqindje.

Prova?

Sigurisht që ne i disponojmë të gjitha provat. Disa të tilla. Por për ju është e vlefshme kjo këshillë: Në rast se keni porositur email marketing dhe newsletter-i juaj është shpërndarë nga një IP që përfundon me …118, …119, …120, …121, …122, …123 ose 218 dhe statistikat jua kanë sjellë sikur është shpërndarë nga MadMimi, dijeni se ju kanë mashtruar dhe jeni të legjitimuar të mos paguani asnjë lek.

7. Mashtrimet vazhdojnë (1 Dhjetor 2014)

Pas demaskimit të mashtruesve në këtë shkrim ku përmes fakteve që kemi publikuar gati sa nuk i kemi identifikuar ato me emër, mashtruesit kanë ndryshuar taktikë por pa hequr dorë nga zakoni i tyre i keq.

Taktika e tyre është e thjeshtë: Mospërsëritja e shembujve që kemi përmendur.
Por ata nuk i shpëtojnë dot vëzhgimit tonë, të cilin e bëjmë për arsye profesionale.

Ne nuk po e publikojmë taktikën e tyre të re të mashtrimit sepse nuk duam ta dekonspirojmë atë dhe t’i japim mundësi që të sajojnë diçka të re.

Por në rast se ju keni dyshime, na kontaktoni dhe ne do ju ndihmojmë që të kuptoni të vërtetën.