Thirrje për Aplikim:
Kurse Profesionale për Teknikat Tradicionale në Ndërtim
Organizata Trashëgimia Kulturore pa Kufij – Shqipëri (CHwB Albania), Instituti i Monumenteve të Kulturës, Drejtoritë Rajonale të Kulturës Kombëtare në Gjirokastër, Berat dhe Korçë, Drejtoritë Rajonale të Formimit Profesional Publik në Gjirokastër dhe Korçë, si dhe Shkolla e Mesme Profesionale “Stiliano Bandilli”, Berat, shpallin thirrjen për aplikim në kursin profesional mbi teknikat tradicionale të ndërtimit.
Kursi do të zhvillohet përgjatë 6 muajve trajnimi intensiv. Trajnimi është i ndarë sipas moduleve të mëposhtme:
- 8 javë orë teorike duke mbuluar tema si: parimet bazë të konservimit, materialet dhe teknikat tradicionale , vlerësimi dhe dokumentimi
- 4 javë kombinimi i teorisë dhe praktikës së punës i ndarë në tre materiale kyçe: gur, dru, llaç/suva.
- 12 javë punë praktikë në ndërtesa historike.
Trajnimi do të zhvillohet paralelisht në tre qytete historike, Berat, Gjirokastër dhe Korçë. Pjesëmarrësit do të pajisen me një certifikatë të lëshuar nga Ministria e Mirëqënies Sociale dhe Rinisë.
Kualifikimet e nevojshme për aplikantët:
- Të jenë shtetas të Republikës së Shqipërisë
- Të kenë përfunduar shkollë të mesme
(Shënim: Trajnime të ndryshme apo përvojë pune në objekte të trashëgimise kulturore janë një vlerë e shtuar)
Aplikimi dhe afatet:
Personat e interesuar mund të shkarkojnë formularin e aplikimit këtu: (http://chwb.org/albania/wp-content/uploads/sites/4/2016/11/VET_Formular_aplikimi.pdf) ose mund ta tërheqin atë pranë adresave të mëposhtme në qytetet përkatëse. Formulari i plotësuar, së bashku me dokumetat e kërkuar, do të dorëzohen pranë të njëjtave institucione.
Aplikimi do të jetë i hapur deri më datë 9 Dhjetor 2016, ora 12:00.
|