Përshkrimi i Trajnimit

Ky trajnim është shumë efektiv për të gjitha kategoritë e të intervistuarve duke filluar nga ata individë që janë në fazat e para të kërkimit të një vendi pune si dhe për ata që duan të rriten dhe të zhvillojnë më tej karrierën e tyre.

Ky trajnim mbulon të gjithë ciklin e intervistës, nga fillimi deri në fund, duke shpjeguar proçeset dhe aktivitetet para dhe pas intervistës.
Gjithashtu pjesëmarrësit njihen me objektivin e intervistës, përgatitjen e nevojshme para intervistës, mentalitetin dhe qëllimin e Intervistuesit, tipe të ndryshme pyetjesh, sjelljen dhe gjuhën e trupit.
Në përfundim të këtij trajnimi pjesëmarrësit do të jenë në gjendje të:

• Përdorin strategji efektive për të menaxhuar sa më mirë intervistën
• Shikojnë intervistën nga këndvështrimi i Intervistuesit për të formuluar sa më mirë përgjigjet
• Përdorin gjuhën e trupit dhe përshtypjet e para për të ndikuar në një ecuri të suksesshme të intervistës
• Mësojnë sesi të përdorin sa më mirë fjalët dhe taktikat e ndryshme për të pasur rezultatin maksimal gjatë bisedave të intervistës
• Përgjigjen me bindje dhe besim pyetjeve gjatë intervistës duke përdorur strategjitë më efektive
• Rrisin mundësitë për sukses nëpërmjet mënyrës sesi do ta mbyllni intervistën